महिनावारि रोकिएको १५ बर्ष पछि बच्चाको जन्म

         सामान्यतया ४५ वर्षपछि महिलाको महिनावारी रोकिन्छ । महिनावारी रोकिएपछि बच्चा पाउने कुरै भएन । तर भारतमा भने एक महिलाले ६५ वर्षको उमेरमा छोरो पाएकी छिन् । पश्चिम बंगालको रामपुर गाउँकी जसपाल कौर नामकी महिलाले बच्चा जन्माएपछि धेरैले त्यसलाई चमत्कार भनेका छन् । अझ रोचक कुरा त के भने ती महिलाले महिनावारी रोकिएको १५ वर्षपछि छोरो पाएकी हुन् ।

६५ वर्षकी जसपालका श्रीमान झण्डै ७० वर्षका छन् । ४० वर्षअघि बिहे गरेका ती दुइ दम्पती बुढेशकालमा छोरो जन्मिएपछि मख्ख परेका छन् । नपरुन् पनि किन ? जसपालले त यो चमत्कारै भएको बताइन् ।

महिनावारी सुकिसकेकी महिला जसको श्रीमान पनि टाढामाथिको जून भैसकेका छन्, त्यस्तीले कसरी छोरो पाइहोलिन् भन्ने जिज्ञासा उत्पन्न हुनु स्वभाविकै हो । वास्तवमा ६५ वर्षकी महिलाले सामान्य तबरबाट बच्चा जन्माउने त कुरै भएन । त्यसैले ती महिलाले पनि टेष्ट ट्युव प्रविधिबाट बच्चा जन्माएकी हुन् । वास्तवमा उनले अरु कुनै दाता महिलाको डिम्ब बाट गर्भाधारण गरेकी हुन् ।

प्रसुति अस्पतालमा चिकित्सकहरुले टेष्टट्युवमा उक्त डिम्ब र ७० वर्षका श्रीमानको शुक्रकिटबीचमा गर्भाधान गराएर भ्रुणलाई ती महिलाको पाठेघरमा राखिएको थियो । अन्ततः ३२ हप्तापछि उनले छोरालाई जन्म दिइन्