प्रहरी कार्यलय भित्रै लछार पछार पार्दै छुटाईयो अन्तरजातिय बिबाह को जोडि

Posted 

गणेश लम्साल

विराटनगर । कसैमाथि पनि जातीय विभेद गर्नुहुदैन भन्दै नेपालमा समेत   ४६ औ अन्तर्राष्ट्रिय जातीय विभेद उन्मुलन दिवस मनाईरहेको वेला  जिल्ला प्रहरी कार्यलय मोरंगमा भने मंगलवार एक जना दलित युवाले प्रेम विवाह गरिसकेकी प्रेमीकालाई भने लछारपछार पार्दै मंगलवार प्रहरी कार्यलय  परिसरभित्रवाट छुटाएर लगिएको छ । 

जातिय छुवाछुतको अन्त र समानताको सन्देश दिन एकहप्ता अघिमात्र उनीहरुले  दुई वर्षदेखि गर्दे आएको आफनो प्रेमलाई हिन्दुविधि अनुसार मन्दिरमा भगवान साक्षी राखेर सिन्दुर पोते र वरमाला एकआपसमा वरमाला पहिरिएर  काठमाण्डौमा विहे गरेका थिए । तर उपल्लो जातिको अंहंकारले धपक्क वलेको कथित उपल्लो जाति भनिने केटिका आफन्तले चार महिना केटीको राजी खुशी विहे गर्ने उमेर नपुगेको भन्दै जिल्ला प्रहरी मोरंगका डिएसपी सहाकुल थापा र महिला प्रहरीकी निरिक्षक सुमा कार्की लगायत दर्जनौ प्रहरीको अगाडि कार्यलय भित्रै मारुती भ्यान ल्याएर केटीलाई लछार पछार पार्दे जर्वदस्ति छुटाएर लिएर गए । 

भोजपुरको घोडेटार ८ घर भै काठमाण्डौमा वस्दै आएकी  १९ वर्ष १०  महिना उमेर भएकी , अनमी पेशामा संलग्न सकुन्तला भण्डारी र सोही जिल्ला घरभै काठमाण्डौको न्युरोडमा सुन पसलमा काम गर्दै आएका २७ वर्षीय  मनोज राज विकले २ वर्षअधि देखी प्रेम गर्दै आएको र एक हप्ताअघि काठमाण्डौको पशुपतिनाथमा गै गन्र्धव विवाह गरेका थिए । तर दलितसँग विवाह गरेको जानकारी पाएर उमेर नपुगेकी छोरीलाई मनोजले अपहरण गरेर लगेको भनेर सकुन्तलाका आफन्तले जिल्ला प्रहरी कार्यलयमा जाहेरी दिएपछि पुहँचको वलमा प्रहरीले मोवाईल टे«सगरि नव विवाहित पे्रमीकालाई हनुमान ढोका प्रहरीले काठमाण्डौवाटै पक्रेर मंगलवार हवाई जहाजवाट विराटनगरमा रहेको जिल्ला प्रहरी कार्यलय मोरंगमा पठाएको थियो । जिल्ला प्रहरी कार्यलयले पनि  उमेर नपुेगेको भन्दै केटालाई हिरासतभित्र थुनेर केटिलाई अभिभावकको जिम्मा लगाएको थियो । सकुन्तलाकी आमा , मामा , दिदि र ठूलो वुवालाई केटा पक्षले विभेद नगर्न दशऔला जोडर विन्ति गर्दा पनि उनीहरुले प्रहरी कार्यलय भित्रै मारुती भ्यान ल्याएर महिलासेलवाट केटिलाई घिर्सादै निकालेर कोच्दै लिएर गए । आफनो प्रेमीसँग विछोडिनुपर्दा सकुन्तला भने रुदै , म जान्न म जान्न भन्दै गुहार मागिरहेकी थिईन । अधिकारकर्मीहरुले पनि जर्वदस्ति छुटाएर पठाउनु उचित नहुनेभन्दा पनि प्रहरीले कुरो सुनेन । 

प्रेमी मनोजले आफुले सकुन्तलालाई वेच्न विहे नगरेकोेले छुटाउन नमिल्ने आग्रह गर्दा पनि केही लागेन । महिला सेलकै अगाडि भेन ल्याएर सकुन्तलालाई लान खोजेपछि  केटा पक्षका आफन्तले वाटो छेक्न खोजेपनि प्रहरीले तिमिहरु को हौ आफनो सन्तान लान नदिने भन्दै हप्काएको थियो ।    केटाका आफन्तहरु भेनरोक्न गेट  वाहिर सम्म दौडेर पछयाएका थिए ।   

केटा र केटीलाई साथ दिन राष्टिय  दलित आयोगका अध्यक्ष  विजुल विश्वकर्मा , एमाले नेता छविलाल विश्वकर्मा देखी अधिकारकर्मी र पत्रकारहरु गुहार्दा समेत कुनै सुनवाई भएन । केटिले जान नचाहेको वताएपनि प्रहरीले तिमिले नजाई धर पाउँदैनौ भन्दै केटि जिम्मा लगाएको थियो । केटा र केटीलाई साथ दिन काठमाण्डौवाट आएका  उत्पिडित दलित जातीय विकास समितीका सदस्य वुद्धि विश्वकर्मा , पत्रकार यादव भट्टराई र दलित अधिकारकर्मी उमेश विश्वकर्माले समेत केटिका आफन्तलाई विभेदको मानसिकता त्यागेर विहेलाई मन्जुरी दिन अनुनय विनय गरेपनि  केही नलागेपछि सवैले प्रहरी  परिसरवाटै सकुन्तलालाई घिसोरेर लगेको हेर्नु वाहेक केही गर्न सकेनन । प्राण प्यारी आफनी  प्रेमीका जर्वदस्ति आँखै अगाडि घिसारेर लगेपछि व्याकुल वनेका प्रेमी मनोजले भने “ समानताको अधिकार  , कोठे प्रतिवद्धता र कार्यक्रममा मान सम्मानकालागि वोलिने भाषण मात्र रहेछन । ,,   

यसैगरि उमेर पुगेर पनि कानुनी विहे दर्ता गराउन अदालत जान असुरक्षित भएको भन्दै मोरंगको सोराभाग ३ का २५ वर्षका अखिलेश पासवान ्र छिमेकी गाविस विवियाविर्तााकी सुभद्रा ठाकुरले विवाह गर्दा असुरक्षित हुनु परेको र अदालतसम्म जाने अवस्थामा पनि आफन्तले वाधा हालिरहेको भन्दै जिल्ला प्रहरी कार्यलय मोरङमा उजुरी दर्ता गराएका छन । उनीहरुले विहेगरेर ४८ दिनसम्म भारतमा गएर लुक्न वाध्य भएको र हाल कानुनी विवाह दर्ता गराउन चाहेको वताएका छन 

संसारको पहिलो थ्री डी यौन चलचित्र रिलिज {अबतार पनि पर्यो पछि

 

गएको बिहीबार हङकङमा संसारकै पहिलो थ्रीडी अश्लील फिल्म रिलिज भएको छ। रमाइलो त के छ भने, सोचेजस्तै यो फिल्मको टिकट मारामार बिक्री भएको छ।  

चीनको पुरानो यौन साहित्यमा आधारित 'थ्रीडी सेक्स एन्ड जेनः एक्स्ट्रीम एक्स्टासी' नामक यो फिल्मको बजेट ३२ लाख डलर रहेको बताइएको छ।  

 विश्वकै पहिलो थ्रीडी फिल्म ठूलो पर्दामा रिलिज भएपछि अफिसका कामदारहरु, कामबाट बिदा लिएका बूढाहरु र विद्यार्थीहरुको ओइरो लागेको थियो।  

रमाइलो त के थियो भने, फिल्म हेर्न भनेर केही महिलाहरु समेत देखिएका थिए। भिडभाडमा उनीहरुलाई कुनै लाज नभएको स्पष्ट अनुभव गर्न सकिन्थ्यो।

 'सामान्यतयाःसिनेमा हलमा म फिल्म हेर्दिनँ तर यो छुटाउन चाहिँ मन लागेन', ३२ वर्षीय जस्टिन लाईले भनिन्। उनी कज बेको सिनेमा घरमा फिल्म प्रदर्शन बेला कुरेर बसिरहेकी थिइन्। यो क्षेत्र मनोरञ्जन गर्ने व्यस्त क्षेत्रमध्येमा गनिन्छ। उनलाई थ्रीडीमा यौन फिल्म हेर्न निकै मनपर्ने समेत खुलेर बताइन्।

 कलेजकी विद्यार्थी यान शेक, २१, पनि यौन थ्रीडी फिल्म पहिलो दिनको पहिलो शोमा आफूले नछुटाउन बिहानै आइपुगेको बताए। ११३ मिनेटको यो फिल्मलाई हङकङ सरकारले क्याटगरी थ्री भनेर वर्गीकृत गरिदिएको छ। जसको अर्थ १८ वर्षभन्दा मुनिका मानिसलाई हेर्न उपयुक्त छैन भन्ने सङ्केत हो।

प्राचीन चीनी कामसूत्रमा आधारित यस चलचित्रमा रहेका नग्न दृश्यहरूलार्इ हेर्न मानिसहरूले तछाड मछाड गर्न थालेका छन्। फिल्म व्यवसायका मानिसहरूका अनुसार यस चलचित्रको व्यापार जेम्स कैमरूनको की मशहूर ३डी चलचित्र अवतारको भन्दा बढी रहेको छ। हंगकंगमा प्रदर्शन शुरू गरिएको यस चलचित्रलार्इ हेर्न कैयन देशका मानिसहरू हंगकंग पुगेको छ। 

 'जबदेखि यो फिल्मका बारेमा सुनेँ, हामीलाई ज्यादै कौतुहल थियो', उनले भनिन्– 'सिनेमा घरमै म पहिलो पटक यौन फिल्म हेर्न आइरहेकी छु। यो पक्कै पनि रोचक अनुभव हुनेछ।' अर्का फिल्म दर्शक त काम छाडेर नै फिल्म हलमा आएको बताए।

'म पहिलो दिनको पहिलो शो नै हेर्न काम छाडेर आएको हुँ किनभने म मेरा साथीहरुमध्ये सबैभन्दा पहिले हेर्ने व्यक्ति म नै हुन चाहन्छु', स्थानीय एउटा कम्पनीमा बिक्री प्रबन्धकको रुपमा काम गर्ने र आफूलाई डेभिड नाउँले चिनाउने उनले भने। उनले आफू पूरा परिचय खुलाउन चाहेनन्।

चीनको मिङ राजवंश ताकाको कथामा आधारित यसमा एउटा तरुण दरबारको यौनिक संसारमा पुगेपछि आफ्नी पूर्वपत्नी नै जीवनको आधार रहेको पत्ता पाउँछ। फिल्ममा जापानी यौन कलाकार युकिको सुओ र साओरी हाराले अभिनय गरेका छन्।

 यो फिल्म शुक्रबारदेखि ताइवानमा पनि रिलिज भएको छ। फिल्मको तगडा चर्चा हुन थालेपछि जापान, दक्षिण कोरिया, यूरोप र अमेरिकामा समेत यस फिल्मलाई रिलिज गर्न फिल्मका निर्माताहरुसँग चियो सुरु गरेका छन्।

मुख्य भूमि चीनमा चाहिँ यौनप्रधान फिल्म प्रतिबन्धित भएकाले मुख्य भूमिका मानिसहरु ताइवान र हङकङ गएर भए पनि फिल्म हेर्न थालेको फिल्मका प्रवक्ता शेरिन याउले बताएका छन्। 'टिकट बिक्रीबाट हामी ज्यादै खुसी भएका छौँ', चाइना थ्रीडी डिजिटल इन्टरटेन्मेन्ट लिमिटेडका प्रवक्ता याउले एएफपीलाई बताए।

उनको कथन थियो– 'हामीले गएको साता ७०–८० प्रतिशत बिक्री भयो भन्ने खबर पाएका थियौँ तर अहिले फिल्मले मज्जैले गति लिएको देख्दा हामीलाई स्वाभाविक खुसी लागेको छ।'

 यता साउथ चाइना मोर्निङ पोस्टका फिल्म समीक्षक पल फोनोरफले चाहिँ यो फिल्म थ्रीडीमा निकै लामो र अस्वाभाविक भएको प्रतिक्रिया लेखेका छन्।

 यो फिल्म सन् १९९१ मा बनेको फिल्म 'सेक्स एन्ड जेन”को रिमेक भएको बताइएको छ। यो फिल्मले अहिलेसम्मकै अश्लील फिल्ममध्येमा सबैभन्दा बढी कमाउने भनी गनिएको थियो।

 थ्रीडी सेक्स फिल्मको सफलतासँगै अन्य सेक्स फिल्मका निर्माताहरुले पनि अन्य फिल्म निर्माण गर्ने घोषणा गर्न थालेका छन्। यसको शुरुवात इटालीका सेक्स फिल्म निर्देशक टिन्टो ब्रासले १९७९ को बहुचर्चित यौन फिल्म 'क्यालिगुला'लाई पुनः निर्माण गर्ने घोषणा गरेका छन्। त्यस्तै अर्का निर्माता हस्टलरले 'अवतार'को यौन संस्करण थ्रीडीमा निर्माण गर्ने घोषणा गरेका छन्।